PAULUS Aleiatus Johannes

PAULUS Aleiatus Johannes

Haereticus, Mediolanô oriundus. Ex milite libertinus, ex libertino Arianus. In Polonia, cum Gregorio Blandrata, Valentino Gentili, Laelio Socino, aliis haeresin hanc docuit: Uti tres Personas, ita tres essentias in Trinitate statuens, sic tamen ut solus Pater verus Deus sit, Filius vero et Spiritus S. licet aeterni et omnipotentes, tamen Patre inferiores sint, essentiâ non eâdem, sed aliâ minoris notae, ab illo acceptâ. Pulsus, cum sociis, a Sigismundo Augusto, Turcismum amplexus, periit A. C. 1561.